LURKOLEKTIBOA
01
Kolektiboa
Lur Kolektiboa 1985. urtean sortu zen, Donostiako artisau talde batek gure hirian artisauentzako gune propio bat sortzeko beharra sentitu zuenean. Nahiz eta urteetan zehar kokapena, datak eta azokak aldatzen joan diren helburuak lehengoak izaten jarraitzen dute.
Artisautza galtzen utzi nahi ez dugun adierazpen kultural bat bezala ikusten dugu; ekoizpen erak presarik gabeko langintza onetik urruntzen diren garai hauetan, izaera propioa duten objektuak egiteko era dela sentitzen dugu.
Gure iritziz gaur egun inoiz baino garrantzitsuagoa da produktua non sortu den jakitea, bere izaera erabat aldatuko lukeen makroprodukzio batetik ez datorrela jakitea. Harria ebaki duen hark edo azken joskura egin duen honek zertan ari den, zer egin nahi duen eta zer adierazi nahi duen badakiela ziurtatzea eta prozesu horretan objektuari izaera berezitu bat ematea beharrezkoa ikusten dugu.
Gure lanaren jabe izatea ere balioesten dugu, gure sormena adierazi ahal izatea eta gure produktua nahi dutenei gure eskuetatik eskaintzea; hori dela eta gure bizitza den horrengatik apustu egiten jarraitzen dugu: ARTISAUTZA.
Esperientzia eta ibilbidea
1986
Asteburuetako eta Eguberrietako Azoken antolaketa Udalak erositako azpiegiturarekin, artisauek eurak instalatuta.
1987
Asteburuetako eta Eguberrietako Azoken antolaketa Trinitate enparantzan.
1988-1991
Urteko hiru azokaren antolaketa (Eguberriak, Aste Santua eta Udara) tailerrekin batera, Bulebarrean.
1992
Kolektiboko partaideek azpiegitura handiagoa erosten dute (2 karpa). Hauen instalazioak suposatzen duen lana dela eta urtean zehar egiten diren azokak bira murrizten dira (Eguberriak eta udara), hauek Bulebarrean egiten direlarik.
1993-1996
Urtean bi azoken antolaketa (Eguberriak eta udara) beren tailerrekin, Bulebarrean.
1997
Udarako azoka Bulebarrean antolatzen da. Bulebarrean egiten den Parkinaren lanak direla eta Eguberrietako Azoka Okendo kalera lekualdatzen da. Espaziora egokitutako beste azpiegitura bat bilatu behar dugunez, standak alokatu behar ditugu. Une honetan hasiko gara Gipuzkoako Foru Aldundiaren dirulaguntza jasotzen.
1998
Kokapen berria Urdaneta eta Erregen Katolikoen kaleetan. Alokatutako karpa eta enpresak egindako muntaiarekin lan egiten hasten gara. Proiektuak suposatzen duen inbertsioa dela eta urtean azoka bakarra egitea erabakitzen da (eguberrietakoa), hau errentagarriena dela irizten baita.
1999
Eguberrietako azoka Urdaneta eta Errege Katolikoen kaleen artean ospatzen da. Kolektiboaren ibilbide osoan zehar, azoka kultur ekintza eta tailer ezberdinekin uztartua izan da.
2013-2017
Zinemaldiko azoka Gipuzkoa plazan.
2018
Euskaljaiak Azoka. Lehenbiziko urtean Frantzia Pasalekuan kokatuta egon ondoren gaur egun Alderdi Ederren ospatzen da azoka.
Gaur egun...
Bi azoka antolatzen ditugu urtean. Euskal Jaiak azoka uda bukaeran eta Gabonetako Donostiako Artisautza azoka.
02
Azokak
Irailak 3 - Irailak 14
Euskal Jaiak azoka
Alderdi Eder
Abenduak 13 - Urtarrilak 5
Donostiako Eguberrietako azoka
Urdaneta. Errege Katolikoak
03
Linkak
